السنارة...متابعة تداولات وتوصيات السوق ليوم الأحد17 /5/1428هـ الموافق 3/6/2007م

[هامور بدوي]

الإرتفاع بقيادة سابك ووصلنا لقريب من الهدف المحدد

يلاحظ تثبيت بالخشاش لغرض التصريف

قد يعطي الخشاش بأول التداول بالغد خاصه إذا ماحدث إرتفاع مفاجئ له أخر التداول

لكن أعيد وأكرر لا أنصح بالمضاربة الآن ومع الإرتفاع الحالي فرصه للتخفيف حتى للخسرانين

السوق بمنطقة حيرة وأقرب للسلبيه منه للإيجابية

تحياتي

[أم يوسف]

هامور بدوي ، وانا بعد أول مرة أدخل
بس دخلة عن دخلة تفرق

اقتباس المشاركة الأصلية كتبت بواسطة ابو سارة قولي آمين يارب عساك ماتشوفين الهم ساعه شكرا شكرا شكرا السبت الجاي السبت الجاي

وليه فرحان ومزءطط ..؟
له علاقة بالسوق
==== هذا اللي همّها

[هامور بدوي]

إذا شال سابك 124 بالنصف ساعه القادمه وثبتت الطلبات فوقها نقول فيه فرصه للمضاربه بالغد أول السوق

مانبي يشيلها أخر دقيقه عشان الإغلاق الأسبوعي..ويرفع من قيمته هذا مايهمنا بل يعني تصريف

أم يوسف حياك أنتي ويوسف

[هامور بدوي]

التوبيك الأخير بالمسنجر كان

" جني الأرباح خطوة ضرورية..وبعض الأحيان الخروج بخسارة خطوة ذكية!"

[أم يوسف]

الله يحييك
صايرة لعبتهم اغلاق آخر الدقايق .. كأن أحد يتابع الاغلاقات بعدهم

أما اللي يصير أثناء التداول

ماهمّه !

[هامور بدوي]

ماعليك يا أم يوسف

المضاربين الكبار لازم يغيرو حركاتهم بين كل فتره وفتره

بس حاولي دائماً تدرسي سلوكهم

من ناحيتي أنا أقعد اناظر الشارت الأكبر ثم الأصغر ومنها إستنتج حركاتهم..ليه رشو هنا وليه شفطو هنا وتطلعي أرقام تذبذب بعدها أقدر أضارب معهم

ومأخذها عاده دائماً أقسم طلباتي ثلاث أقسام

القسم الأول مع الإفتتاح ماركت..الثاني أخليه تعديل إذا نزل تحت مشتراي بنسبة 3% تقريباً والأخير إحتياط

وكل الثلاث أقسام هذه تمثل 25% من محفظتي وهي للمضاربه اليوميه

يعني مثلا سابك قبل الإفتتاح بدقيقه الطلبات ماركت 122 أنا أحط معهم..نزلت إلى دعم قوي ونفسي مثل 120 أزود وأعدل من مشتراي

يصير معدل سعري 121..ترجع لـ 122 أصير ربحان..أبيعه بنفس السعر أو بفرق ربع

وأحيانا تصيب وأحيانا تخيب

وعندي مبدأ ستوب لوز يعني وقف الخسائر مثلاً كسر 120 أبيع طوالي بدون تردد..وكل هالأرقام أحطها واقررها قبل السوق وبالعاده أدرسها بليل وأحطها بالمذكره الصباح إذا قمت أتذكر

بس ما أدخل السوق وإذا شفته أرتفع شريت يعني مع الخيل ياشقراء

لا ما أخلي السوق يقرر لي ويمشيني أنا أقرر بنفسي

والتجاره ربح وخساره وراضي بقسمة ربي

تعودنا على هالشغله ربك يعين بس

تحياتي

[هامور بدوي]

أم يوسف والسامعين الي عندهم عيال صغار الله يحفظهم لهم

وخاصه الي تعب من السوق ومايحب المضاربه

من شهر إلى شهرين حاول تلقط سبكيم مابين 30-35..سابك إذا نزلت تحت 100 وسكرو عليها المحفظه أقل شي 3 سنوات ولاتفكر بالسوق لو ينزل الف نقطه من وراك

وخلي إستثمار ليوسف كيان لو تنزل حول سعر الإكتتاب لو توصل 12 إشتري له لو ألف سهم وخليها له لين يكبر

طفرة البتروكيمكل متوقع تستمر حتى عام 2016

تحياتي للجميع وأستئذنكم

مع السلامه

[أم يوسف]

اقتباس المشاركة الأصلية كتبت بواسطة هامور بدوي ماعليك يا أم يوسف المضاربين الكبار لازم يغيرو حركاتهم بين كل فتره وفتره بس حاولي دائماً تدرسي سلوكهم من ناحيتي أنا أقعد اناظر الشارت الأكبر ثم الأصغر ومنها إستنتج حركاتهم..ليه رشو هنا وليه شفطو هنا وتطلعي أرقام تذبذب بعدها أقدر أضارب معهم ومأخذها عاده دائماً أقسم طلباتي ثلاث أقسام القسم الأول مع الإفتتاح ماركت..الثاني أخليه تعديل إذا نزل تحت مشتراي بنسبة 3% تقريباً والأخير إحتياط وكل الثلاث أقسام هذه تمثل 25% من محفظتي وهي للمضاربه اليوميه يعني مثلا سابك قبل الإفتتاح بدقيقه الطلبات ماركت 122 أنا أحط معهم..نزلت إلى دعم قوي ونفسي مثل 120 أزود وأعدل من مشتراي يصير معدل سعري 121..ترجع لـ 122 أصير ربحان..أبيعه بنفس السعر أو بفرق ربع وأحيانا تصيب وأحيانا تخيب وعندي مبدأ ستوب لوز يعني وقف الخسائر مثلاً كسر 120 أبيع طوالي بدون تردد..وكل هالأرقام أحطها واقررها قبل السوق وبالعاده أدرسها بليل وأحطها بالمذكره الصباح إذا قمت أتذكر بس ما أدخل السوق وإذا شفته أرتفع شريت يعني مع الخيل ياشقراء لا ما أخلي السوق يقرر لي ويمشيني أنا أقرر بنفسي والتجاره ربح وخساره وراضي بقسمة ربي تعودنا على هالشغله ربك يعين بس تحياتي

هذا اللي أفتقده
مبدأ وقف الخسارة ... وتحديد القرارات .. والتبعية للسوق .

[محب السعادة]

مشكور يأ أخوي الهامور على هذه الملاحظات
بالتوفبق للجميع

[أم يوسف]

اقتباس المشاركة الأصلية كتبت بواسطة هامور بدوي أم يوسف والسامعين الي عندهم عيال صغار الله يحفظهم لهم وخاصه الي تعب من السوق ومايحب المضاربه من شهر إلى شهرين حاول تلقط سبكيم مابين 30-35..سابك إذا نزلت تحت 100 وسكرو عليها المحفظه أقل شي 3 سنوات ولاتفكر بالسوق لو ينزل الف نقطه من وراك وخلي إستثمار ليوسف كيان لو تنزل حول سعر الإكتتاب لو توصل 12 إشتري له لو ألف سهم وخليها له لين يكبر طفرة البتروكيمكل متوقع تستمر حتى عام 2016 تحياتي للجميع وأستئذنكم مع السلامه

سبكيم - سابك- كيان
على مناطق شراء مختلفة لمدة شهرين

جزاك الله خير على التوصية الاستثمارية .