السنارة...متابعة تداولات وتوصيات السوق ليوم الأربعــاء 23/3/1428هـ الموافق 11/4/2007

[Saudi]

عذرا للتعديل لما قلت

شمس ماجاها اي استفسار من الهيئه الاسبوع هذا

اللي جاها استفسار هي ثمار وليست شمس

ان نزل خبر اندماج شمس بعد الاغلاق فاقول مبروك لملاكها وانتبهوا البيع على الخبر

[Saudi]

لشمس المملكه

اللي حاصل بالباحه من 38 الى الان ب43 تجميع في تجميع

بس فيه اشاعات على السهم بتوقيفه ولا اظن انها صحيحه

ان مانزل شيء بخصوص توقيف السهم بعد الاقفال فاتوقع للباحه السبت تبدع للنسبه فوق

[شمس المملكة]

اقتباس المشاركة الأصلية كتبت بواسطة Saudi لشمس المملكه اللي حاصل بالباحه من 38 الى الان ب43 تجميع في تجميع بس فيه اشاعات على السهم بتوقيفه ولا اظن انها صحيحه ان مانزل شيء بخصوص توقيف السهم بعد الاقفال فاتوقع للباحه السبت تبدع للنسبه فوق

مشكور ابوريان

بالنسبة للايقاف استبعد ذلك تماما لانه قيم لها ارض حكومية بحوالي 43 مليون واجازها المحاسب القانوني وكذلك وزارة التجارة وهذه بتخفظ الخسائر بشكل كبير

[Saudi]

نحتاج الى كسر 7.820 ونقفل فوقها

ان شاء الله سابك والاتصالات يشدون الهمه ويقفلون السوق فوق 7.820

وان ماكسرناها يكون الوضع سلبي تذبذب افقي للمؤشر وصعود لاسهم الخشاش والمضاربه

((( هذا كلام شارت مايقدر يدخل المنتدى النت بطيء عنده ومعي بالماسنجر ))

[أخلاق]

اقتباس المشاركة الأصلية كتبت بواسطة شمس المملكة نقاش حلو ومعلومات قيمة 00ابوعادل وش رأيك في الباحة

ما لقيتي تسأليني الا انا ...هههه
انا ما اتابع الخشاش وشاطبه عندي بالقائمة اللهم بس اللي يفز مثل ثمار وشمس اتابع كميات تدويره لاعرف اتجاه السوق
فيه اسهم مضاربية ارحم مثل تهامة والعقارية اذا نزل سعرها ليست بهذه الاسعار على الاقل ما اخاف من ايقاف مفاجيء للسهم او شطبه مثل بيشة وغيرها .. ولا ادخل بكامل السيولة فيها اذا تهورت 30% من السيولة .
مثل هذه الاسهم الباحة وشمس وثمار والاسماك ليست سوق بل صالة قمار ممكن سهم 40 ريال يصل 400 والاسماك مثال
ممكن من 400 إلى 40 والاسماك مثال
اعتبرها محرقت اموال تصلح مجال لغسيل الاموال اما اموال الحلال اللي بشقى تجارتي جمعتها ما اتهور واحطها بشركة مثل بيشة والباحة ومن على شكالتها .
فيه ناس اغتنت وفيه ناس انفقرت من هالاسهم لا ينفع معاها تحليل ولا استقراء الشغلة سهلة بالنسبة للهامور اجمع كميات كبيرة بالقاع وشد السهم نسب متتالية وطبل بالمنتديات عليها ومن ثم اعكس الاتجاه تلقى الف مشتري من الصغار يشتري هذا غير ارباح من التذبذبات اليومية التي يحققها الكبار والنتيجة ارباح مضاعفة للهامور والصغار 90 % خسران و 5% متعلق 5% ربحان .(صالة قمار مباحة شرعا) . الاسماك ربح القروب منها 2 مليار ..!! 2 مليار ..!! والفضل يعود للصغار .

[ريميه]

على البركة ان شاء الله للخير بقية

ريميه

[ريميه]

مضاربات هوامير في القصيم الزراعية

عارض 100000وطالب نفس الطلب

ريميه

[Saudi]

ماقدر السوق يكسر 7.820 يفتر حولها

انا متأمل بسابك والاتصالات خير

ان ماتم كسرها وقفلنا تحتها فبيكون الوضع صعب

[Saudi]

ابو ساره مالك صوت

وش نظرتك للسوق ؟
بالنسبه لي يهمني سهمي ان كسر 60 ببيعه غير كذا متجووود ماعلي من المؤشر

[أخلاق]

للمعلومية اخت شمس المملكة .. اغرب سهم هو الباحة عليه سيولة عالية الايام الماضية سيولة انهيار سهم ومع ذلك السهم راكد ما ادري هل هي سيولة انهيار قادم للسهم ولا انطلاقة مجنونة .. هذا السهم بالذات محير جدا .. راجعي اخصائية السهم من عشر ايام سيولة 22 - 16 - 12 -11 مليون سهم .
إذا كنتي من عشاق الخشاش وغير متعلقه بالسهم خليك برا فاذا اقفل نسبة فوق شكله صعود مجنون واذا اقفل تحت شكله هبوط مجنون .
السيولة عليه سيولة انهيار ومع ذلك ما دحدر متماسك في نطاق ضيق وسيولة عالية جدا .. فاما انهيار ولا صعود مجنون ما فيه حل وسط .. استشرت فيه صاحبنا ابوبدر - محلل ليس من كتاب المنتديات - فقع عينه هذا السهم وحيره .